第一次香港公司報稅｜仲未收到稅表？幾時收到、幾耐要交先唔會遲？
- 8月25日
- 讀畢需時 25 分鐘
已更新：6天前
Hello 👋🏻 你係咪第一次處理香港公司利得稅報稅？間公司成立咗一段時間，仲未收到第一份利得稅報稅表？
可能你心入面會諗：「係咪未收到稅表，即係暫時唔使理住？」
未必。對第一次處理公司報稅嘅朋友，最容易令人搞亂嘅地方，就係以為收到公司利得稅報稅表先需要開始準備。第一份利得稅報稅表通常約公司成立後 18 個月先收到；但單據整理、會計、核數同報稅準備，唔係收到先做。如果等到收到先開始，最後幾個月好容易突然變得好趕。
呢篇 10問10答，我會同你逐個問題搞清楚：幾時收到？未收到點算？收到後幾耐要交？可唔可以延期？已經遲咗又點處理？ 你可以按自己公司而家嘅情況，直接睇相關 Q&A，即時得知下一步真正要做乜。
快速目錄連結 👇🏻｜第一次公司報稅 10問10答
想快速了解內容，👇🏻有一條簡單 YouTube 片 精選 5問5答，方便你極速了解一下
⏰ 已經收到稅表，限期就快到，心急盡快處理公司報稅？
唔使由頭睇晒，可以直接 👉🏻 WhatsApp A Plus，
先講低公司成立日、年結日同稅表日期，我哋為你睇應該由邊一步開始。
Q1｜香港有限公司第一次公司報稅，通常幾時會收到第一份利得稅報稅表？
一般而言，新成立香港有限公司通常會在成立或開業後約 18 個月，收到第一份公司利得稅報稅表 ，即常見的 BIR51。
舉個例，如果你間公司係 2025年3月成立，按約18個月計，第一份稅表可能大約去到 2026年9月左右先收到 (實際日期當然要以稅務局正式發出嘅稅表為準)，所以，好多第一次做公司報稅嘅老闆，都會自然以為：
「香港每年4月都報稅，我間公司應該都係4月收到啦？」
留意唔好搞錯，以為過咗一年， 4月「稅季」 未有收到稅表就唔洗報稅。
每年4月係香港公司利得稅主要報稅季節，稅局會大量發出利得稅報稅表，主要係公司已進入正常報稅週期嘅業務；第一次報稅仍然要睇公司成立／開業時間。另外一個常見誤會，
就係將有限公司報稅同個人「綠色稅表」混埋一齊。
如果係獨資經營，業務利潤一般係透過個人報稅表 BIR60 Part 5 申報；但有限公司係獨立法人，公司本身會收到自己嘅利得稅報稅表。所以唔可以用「個人報稅表通常5月收到」去估有限公司第一份報稅時間。
唔肯定自己間公司而家去到邊一步？ 最簡單，即時 👉🏻 WhatsApp A Plus，為你 Plan 定公司帳目幾時開始準備，收到稅表，是否有進一步延期的可能。
📆 首次有限公司報稅時間表 Calculator
想大約了解一下自己間公司個報稅時間表？ 👇🏻輸入完成 | Cap 圖留個記錄
方便你帶走的一句總結：
「未收到稅表就唔使理？」呢個往往係新手老闆第一次公司報稅最易中招嘅盲點。 記住，公司首份利得稅報稅表通常約 18 個月後先收到；但如果等到「收信嗰一刻」先開始整理帳目、安排核數同報稅，原本以為仲有時間，最後往往就變成趕住追 Deadline。
Q2｜收到第一份利得稅報稅表後，幾耐限期前要交？
如果你間香港有限公司係第一次處理公司利得稅報稅，收到首份利得稅報稅表後，一般可以由報稅表發出日起計 3 個月內提交；呢個係首次利得稅報稅表嘅安排，毋須另外申請延長至 3 個月。
「有 3 個月，應該好充裕啦？」
聽落好似係，但香港公司報稅真正要完成嘅，並唔係淨係填妥一張利得稅報稅表 BIR51。
假如你間公司之前未有定期整理帳目，呢 3 個月入面自然要先追回之前嘅會計工作，再完成：整理簿記 ➡️ 會計跟進公司財務報表 ➡️ 核數 ➡️ 準備利得稅計算表 ➡️ 填妥 BIR51 ➡️ 連同所需文件提交稅局
換句話講，如果之前一直無整理帳目，你可能要喺短短 3 個月內，追回公司成立後接近 18 個月嘅會計資料。
💬 真實情況：交咗報稅表，稅局出信追文件！
A Plus 遇到過一個查詢：個客收到份利得稅報稅表，未有即時跟進，轉眼 3個月過去，就咁交咗張報稅表上稅局，但因為欠缺所需嘅財務報表、核數師報告及利得稅計算表等資料，稅務局回信表示，未能將該份報稅表視為有效，並且，重點係註明限期沒有因此延長，限期內未能補回欠缺文件資料，會考量採取處罰行動。
所以，第一次為公司報稅的你，最重要留意公司報稅真正要趕嘅，往往唔單單係「填張表」，而係要喺限期前將帳目、核數同稅務文件整套準備完成。
3 個月時間，你間公司準備到邊一步？ 連怎樣準備都無頭緒？ vs 核數進行中，順住跟進就 OK？
特別係第一次公司報稅，如果收到稅表先開始搵返過去一年多嘅單據同銀行資料，同時間你公司啲生意總唔可以暫停唔做，原本睇落好充裕嘅 3 個月，好容易一下就變得好趕好趕。
❓ 係呢~ 你間公司現時去到邊一步？
🅰️ 如果距離收到第一份稅表仲有一段時間
你可以先睇 首次公司報稅 7 大步驟，了解由簿記、公司會計、核數、利得稅計算到正式提交稅表，整個首次公司報稅流程點樣行，值得幫自己預早規劃好個時間線。
🅱️ 如果已經收到稅表，有啲擔心趕唔切
A Plus 可以先透過 Snapshot Report，加速追回時間，助你掌握節奏，初步確認：
1️⃣ 公司銀行存入 及 提取金額的分佈 | 業務大概表現
2️⃣ 初步盈虧及利得稅估算 | 慳稅策略可直接套用？
3️⃣ 重點跟進/留意項目 | 正式會計工作時 A Plus 如何為你優先核對跟進的重點
睇清楚自己盤數的工作量，最優先要跟進的下一步安排，有沒有先處理延期的可能，個心一定會定好多。
方便你帶走的一句總結：
「有 3 個月」唔等於「有 3 個月先開始」。 第一次公司報稅，你真正要完成嘅唔係淨係填一張 BIR51，而係帳目整理、公司會計、核數、利得稅計算同正式提交。 如果之前接近 18 個月嘅帳目仲未整理，原本以為好充裕嘅 3 個月，好快就會變成追 Deadline。預早開始，往往就係「順住節奏輕鬆處理」同「心急趕工」嘅分別。
Q3｜香港公司是否每年 4 月 1 日都會收到利得稅報稅表？
唔一定。
大家成日講「每年 4 月出公司稅表」，其實呢個主要係香港公司利得稅嘅報稅季節；稅務局一般會喺每年 4 月第 1 個工作日，大批發出持續經營業務嘅利得稅報稅表；但唔代表每一間香港公司，每年都一定會喺呢個時間收到。
👇🏻 嗯嗯，我知你講嘅稅局新聞稿
無錯，呢個就係大家熟悉嘅「4 月公司稅季開鑼」。稅務局會一次過發出幾十萬份利得稅報稅表
但問題係：
「4 月係主要稅季」≠「你間公司一定會喺 4 月收到公司利得稅報稅表」。
主要有兩類情況最容易令人混亂：
🅰️ 新成立有限公司
如果係新成立公司，第一份利得稅報稅表通常唔係跟 4 月稅季，而係大約喺公司成立／開業後 18 個月左右先收到。 所以公司如果係年中成立，第一份稅表完全有可能喺下一年年底先出現。
🅱️ 部分公司暫時毋須每年提交利得稅報稅表
例如業務尚未開始、已停業而未重新營業，或者業務暫時未有應評稅利潤，稅務局實務上可能唔會每年要求提交利得稅報稅表；但稅務局之後覆核公司潛在稅務責任時，仍可以再向公司發出 PTR，到時公司仍然需要按要求處理。
所以，唔好單靠「今年 4 月收唔到稅表」就自行判斷公司今年唔使理。
⚠️ 小心：你「無收到」，唔等於稅局「無發出」
呢個先係我覺得最容易中招嘅位。
有時公司地址更新、郵件遺失、內部無人留意，又或者公司本身個 PTR status 有其他情況，單憑你手上無見過份稅表，並不足以判斷稅務局從未發出。
💬 A Plus 實際跟進：唔清楚，就唔好靠估
A Plus 遇到利得稅報稅表（PTR）狀況唔清楚嘅個案時，唔會單靠「客話未收到」就落結論。
例如有個案嘅報稅狀態一直未清，我哋就會按實際資料，直接書面向稅務局查詢 PTR／評稅進度，先確認究竟係未發出、仍然待處理，定有其他情況。
「一時忽略」，分分鐘變成「忽然收到」估計評稅
所以有時最無辜嘅情況就係：
公司一路以為：「我都未收到稅表，應該無事掛？」點知一時忽略，之後就忽然收到一張估計評稅通知。
因為萬一份利得稅報稅表其實已經發出，而公司又無喺期限內提交，稅務局可以發出 Estimated Assessment（估計評稅），亦可能展開罰款程序。
睇到 Q3，好簡單一個問題：以下 🅰️ / 🅱️ 你依家屬於邊一種情況？
🅰️ 正在搵緊香港公司會計報稅服務❓
問自己一件事，你真正想要嘅，係好平的收費，然後只係幫你填一張報稅表？
還是長遠合作，有人幫你判斷：
✅ 點解今年未收到稅表？
✅ 你間公司有需要就主動跟進
✅ 每一步wix:document://v1/e11e78_1ffef7408bd74e01b894d1ed31865ad0.pdf/%E3%80%8A%E7%AC%AC%E4%B8%80%E6%AC%A1%E5%85%AC%E5%8F%B8%E5%A0%B1%E7%A8%85%E6%99%82%E9%96%93%E8%A1%A8%EF%BD%9CQuick%20Guide%E3%清晰向你匯報
🅱️ 已經有會計公司幫你跟進？
不妨問對方一句：「係呢~ 公司今年 4 月仲未收到利得稅報稅表，請問係稅局未發出、我間公司暫時毋須每年提交，定其實有其他情況？」
從對方的回覆，你已經可以判斷，咁重要嘅報稅 Timing，係唔係有人幫你守住。
方便你帶走的一句總結：
「4 月未收到稅表」唔係一個稅務結論。 真正要搞清楚嘅係：你間公司點解未收到、稅局究竟有無發出，同而家需唔需要主動跟進。唔同情況，判斷可以完全唔同。
📥 想一次過留低 Q1–Q3 嘅報稅時間重點？
一次過為你整理：1️⃣ 第一份稅表大約幾時收到？
2️⃣ 收到後實際有幾耐準備？3️⃣ 4 月未收到，又應該點判斷？
Q4｜公司有收入但未收到公司利得稅報稅表，係咪就唔使報稅？
唔係。
未收到公司利得稅報稅表，只代表你手上暫時未有嗰份 PTR；唔代表香港公司報稅責任不存在，亦唔代表所有稅務期限都未開始。
如果公司已經產生應課稅利潤，而稅務局又未要求公司提交該年度報稅表，根據 《稅務條例》第51(2)條，公司一般須於有關評稅基期完結後 4 個月內，以書面通知稅務局公司就該年度有應課稅責任。
「稅局都未寄稅表俾我，等佢寄到先搞啦。」
其實我明有啲老闆真係無為意，搵生意更加重要，反正稅局暫時都無追我，未收到稅表咪唔搞住囉。 Okay，短時間內，可能真係乜事都無發生，但公司報稅有一個好容易睇漏嘅位置：
⚠️ 先搞清楚：有收入 ≠ 已經知道是否有應課稅利潤
公司如果連基本會計都未有完成，根本難以判斷是否真正乎合《稅務條例》第51(2)條要求，而比較危險嘅情況會係：
公司其實已經產生應課稅利潤，但因為一直未收到 PTR，就當自己暫時乜都唔需要處理。暗中已違反稅務條例要求。
📩 呢個唔係 A Plus 自己講——稅務局其實寫得好清楚
稅務局喺呢類通知信入面會說明：某啲公司可能暫時毋須每年提交利得稅報稅表；但如果公司之後開始／重新開始賺取應課稅利潤，公司仍須按規定於有關 basis period 完結後 4 個月內書面通知稅務局。
而且信入面亦特別提醒：即使暫時無收到 PTR，公司都唔應該等稅表發出之後，先開始準備每年需要嘅 "經核數帳目"。換句話講：
公司嘅責任係要留意公司實際稅務狀況，主動向稅局申報，而唔係單單由「有無收到稅表」 決定。
而等稅表先搞個想法，最可怕係好多時真係唔會即刻出事，令老闆好容易一路拖。但假如稅務局之後正式向公司發出利得稅報稅表，納稅人一般須由報稅表發出日起 1 個月內提交，到嗰一刻先開始：搵返銀行月結單 ➡️ 整理帳目 ➡️ 編製公司財務報表 ➡️ 核數 ➡️ Tax Computation ➡️ PTR，反而，搞到自己亂晒手腳仲麻煩。
💬 A Plus 實際做法：未收到 PTR，都會提客戶預早準備
例如我哋都有客戶係暫時未收到稅表，但 A Plus 仍然會先提醒："因完成公司會計、核數報稅需時較長，建議預留時間處理"，真心希望呢種「趕」，好多時係可以預早避免就點都同你提一句 🙏🏻 因為
⚖️ 呢條 4 個月通知稅局的責任，真係有公司因此爭議到上訴
稅務上訴委員會個案 D15/23，就涉及公司延遲通知應課稅事項、額外稅，以及究竟有無合理辯解等問題。呢個屬於比較極端嘅個案，但佢至少說明一件事：「未收到 PTR」本身，並唔係忽略通知責任嘅答案。
❓萬一你間公司過去一件真係有收入，但一直未收到 PTR，咁第一步應該點處理？
首先，千奇唔好自己靠估：「今年應該無稅掛？」
下一步，當然係先搞清楚公司帳目，先整理好，確認公司的稅務狀態。
如果你間公司主要係收入及支出都經公司戶口進出，亦可以考慮提供公司過去一年的 Bank Statements - 索取一份專屬的 Snapshot Report (每週限額 5 份)，初步得知公司盈虧及利得稅估算，再作判斷。放心，索取 Snapshot Report 呢個階段不會收費 ☺️
方便你帶走的一句總結：
「無稅表」唔等於「無報稅責任」。 公司有收入，唔代表一定已經有應課稅利潤；但香港公司利得稅責任亦唔係由「有無收到 PTR」決定，就算未收到 PTR，都唔好一直齋等落去，咩都唔做。 ✅ 先整理帳目、搞清楚公司實際稅務狀況，再判斷需唔需要按《稅務條例》第51(2)條主動通知稅局 | 避免突然等收到稅表嗰日，先發現即時急忙處理仲麻煩。
Q5｜第一次公司報稅，除了利得稅報稅表，僱主報稅表也要處理嗎？
要視乎公司情況，但千祈唔好將兩樣嘢當成同一回事。
第一次處理香港公司報稅時，好多人會集中留意公司利得稅報稅表 BIR51，但其實仲有另一條好容易被忽略嘅線：僱主報稅表 BIR56A / IR56B。簡單分：
BIR51 → 公司利得稅報稅
BIR56A / IR56B → 公司以僱主身份，申報董事／員工薪酬
⚠️可能你會問：「公司得我一個，又無員工，僱主報稅應該唔關我事啦？」
呢個正正係第一次公司報稅時，最容易忽略嘅位置之一。等我為你拆解以下 3點：
1️⃣ 公司無員工，收到 BIR56A 可以唔理？
唔得。
如果稅務局已經向公司發出僱主報稅表 BIR56A，即使公司無僱用任何員工、仍未開始營業，甚至已暫停營業，亦要按表格要求處理；如果無人士需要申報，就要喺 BIR56A 填明「NO」並交回。
一般情況下，BIR56A 要喺發出日起 1 個月內提交。
2️⃣ 公司得老闆／董事自己，就一定無 IR56B？
都唔一定。
有限公司董事如果有收取董事酬金、董事袍金、薪金或其他需申報薪酬，就要特別留意 IR56B。
稅務局亦明確指出，有限公司董事收取嘅薪酬或董事袍金，屬薪俸稅範圍，需要以 IR56B 申報；對 Director(董事) 嘅年度申報要求亦屬其中一類需要特別留意嘅人士。
➡️ 所以：「無員工」≠「無僱主報稅責任」。
3️⃣ 等收到利得稅報稅表 BIR51，再一次過搞？
呢個更加容易混淆。
公司利得稅報稅 | 僱主報稅 | |
常見表格 | BIR51 | BIR56A / IR56B |
主要處理 | 公司應課稅利潤 | 董事／員工薪酬 |
公司身份 | 納稅人 | 僱主 |
所以，公司如果有需要申報 IR56B 嘅人士，但去到 4月中仍未收到 BIR56A，稅務局亦要求僱主主動通知並索取報稅表，而唔係等 BIR51 到先一齊處理。
💬 真實個案：「我一直以為收到稅表先要報稅……」
A Plus 曾經收到一個查詢，客戶之前一直有一個理解：[查詢對話節錄]
(🧑🏻⚖️我) 一般較少見罰到 $4,500.00 咁重~ 請問係多次錯失遞交時間？
👩🦰 嗯嗯，因為之前公司搬咗，收唔到報稅表
(🧑🏻⚖️我) 原來係咁，請問現時通知咗稅局新地址未？
👩🦰 通知咗啦~ 不過係搬完2個月之後 😅 因為搬 Office 太忙 …
我都怕會再寄失，我直接改咗通訊地址去屋企
(🧑🏻⚖️我) 即係稅局之後寄稅表去屋企，但第二次都係遲交，導致罰款加重？
👩🦰 嗯 … 一言難盡，原來份稅表放錯咗入隔離單位信箱，之後隔咗成個星期鄰居先轉交比我阿嫲，我阿嫲見係公司名，又唔知咩嚟，隨手放埋一邊，直到我收到呢封罰款信，先喺墊杯碟果堆環保紙入面搵返出嚟 … 唉😮💨~
(🧑🏻⚖️我) 🥲 咁就會比較難同稅局解釋，以申請豁免罰款喇🙏🏻站喺稅局立場，其實未必見到稅局有問題。借呢個機會提一句：不論公司有無收到稅表，只要有稅務責任，公司都應該主動向稅局申報。如果公司當時有依時主動完成申報，現時罰款部分，其實會有較大機會同稅局再傾。
👩🦰 😱 我一直以為收到稅表先要報稅 …
個案最後因為相關僱主申報延誤，收到稅務局 $4,500 罰款通知。
如果一開始將「公司利得稅」同「僱主報稅」混埋一齊，就好容易錯過另一條申報線應該處理嘅時
🧾 仲有一個容易漏嘅位：Freelancer / Contractor
僱主相關申報亦唔一定只涉及正式員工。
例如公司向本地非法團實體／非僱員人士支付某啲服務酬金，可能涉及 IR56M + IR6036B。稅務局目前列明，例如：顧問、代理人、經紀、作家、藝人、freelancer 等：全年付款超過 HK$25,000； 分判商：全年付款超過 HK$200,000，
就可能需要作相關申報。實際仍要睇收款人身份、付款性質及業務安排。
第一次處理公司報稅，最好順手 check 呢 5 樣
有無收到僱主報稅表 BIR56A？
公司有無董事／員工需要申報 IR56B？
有無董事酬金、薪金、花紅、佣金或津貼？
有無 MPF / payroll 紀錄需要核對？
有無支付本地 freelancer / contractor，需要再睇 IR56M？
方便你帶走的一句總結：
第一次公司報稅，唔係得一張 BIR51。 收到 BIR56A，就算無員工都唔應該擺埋一邊；有董事／員工需要申報但一直未收到，亦唔好等利得稅報稅表先一齊搞。 公司利得稅同僱主薪酬申報係兩條不同責任——第一次處理，最容易漏嘅，往往就係第二條。
Q6｜香港公司報稅可以延期嗎？稅務代表點樣幫我申請延期？
可以，但唔係每間公司、每一份利得稅報稅表，都自動有得延期。
如果香港有限公司已經收到利得稅報稅表，而又正式委任咗稅務代表（Tax Representative），喺符合稅務局當年度 Block Extension Scheme（整批延期安排） 嘅情況下，稅務代表可以代表公司申請／安排延期提交報稅表。
由 2026 年 4 月起，稅務代表亦須透過稅務代表網站 TRP（Tax Representative Portal），以電子方式處理客戶嘅整批延期申請及通知。
「咁即係搵咗稅務代表，就一定可以延期？」
唔係。呢個正正係最容易誤會嘅地方。
延期安排要睇：
1️⃣ 你收到嘅係首次 PTR，定之後年度嘅利得稅報稅表？
2️⃣ 公司年結日／Accounting Date Code 屬於邊一類？
3️⃣ 現時仲有無喺可以申請／享有延期嘅時間內？
4️⃣ 公司有無正式委任稅務代表？
5️⃣ 當年度稅務局公布嘅 Block Extension Scheme 點安排？
例如 2025/26 年度，稅務局對不同年結類別嘅延期安排本身就唔一樣；N Code 並無一般整批延期，而 D / M Code 則有不同延長期限 (下圖)。
⚠️ 首次公司報稅更加要分清楚
如果你收到嘅係公司第一份利得稅報稅表，一般本身已經有 3 個月提交期，毋須再就呢個首次 PTR 另外申請整批延期。
所以如果你咁啱係第一次公司報稅，可能更加重要係先問一問自己，收到公司利得稅稅表起計 3 個月，夠唔夠完成簿記、公司會計、核數、利得稅計算，填妥 PTR 再交上稅局？
如果答案係「似的覺係好夠喎 🤔」，咁現時應該立即查詢下一的安排。
🕐 延期真正幫你買到嘅，其實係「處理時間」
呢一點係成個 Q&A 內容最重要的 Take Away
即係符合延期資格，唔代表問題已經解決，但絕對可以由「趕唔切」「有罰款」，重新變成排好工作，順利完成的畫面，所以，你現時落決定跟進，係有可能救返成件事。
💬 A Plus 點樣處理？先判斷「你仲有無時間可以買」
如果你已經收到利得稅報稅表，而開始擔心趕唔切，A Plus 第一件事通常唔單止係回覆答你： 可以 or 唔可以延期，仲會先幫你睇清楚：
簿記 → 公司會計 → 核數 → Tax Computation → 利得稅報稅表
全個工作量是否申請延期就趕得切，符合延期安排，當然先安排稅務代表及延期申請呢一層，爭取時間；同時間，都唔會拖，直接開始跟進簿記、公司會計、核數及正式報稅工作。
下一個 Q&A，我哋亦都會進一步為你解釋：延期不是萬能。如果報稅期限已經過咗，甚至稅務局已經開始採取下一步行動，情況就唔再係普通「申請延期」咁簡單，需要先深入了解個案詳情，再逐步梳理解決。
方便你帶走的一句總結：
稅務延期 係幫你買時間，並唔係完成報稅。 香港有限公司利得稅報稅表喺合適情況下，可以由稅務代表協助處理延期安排；但延期唔係自動、唔係每間公司都適用，亦唔可以將已經存在嘅帳目、核數同報稅工作變走。 真正幫到你嘅做法，係趁仲有時間盡早判斷有無延期空間，由趕唔切，變成一條可以完成嘅報稅工作線。
Q7｜已經過咗報稅期限／遲交，仲可以申請延期嗎？
公司報稅已經遲咗 🥲？ 先唔好自己嚇自己。
公司報稅過期之後，唔代表件事已經無得處理；但由呢一刻開始，重點亦唔應該再只係問：「仲可唔可以延期？」
第一步，先記一記低：究竟遲咗幾耐、稅務局有無出信追、公司帳目及核數去到邊一步，以及稅局有無發出過 "估計評稅" 或其他信函。 ➡️ 已經過期就由 "補救處理" 開始 💪🏻，狀態越清晰，越易幫你判斷如何跟進~
1️⃣ 已經過咗報稅期限，但暫時未收到估計評稅／罰款通知
稅務局對超逾一般延期安排後嘅進一步延期要求，原則上只會喺極為例外情況考慮，而且唔應假設一定會獲批。
所以，如果可以申請進一步延期，當然要申請，但唔好將希望全部放喺不確定的批准結果，我哋先跟進實際嘅處理：➡️ 立即整理資料 → 完成公司會計及核數 → 準備 利得稅計算 → 補交利得稅報稅表
有需要就按實際情況，準備定向稅局作出解釋 (因為下一步大機會先收到稅局罰款信，會有用！) 就算遲交，稅局考慮罰款時，都會接延誤時間、稅款金額、遲交原因、納稅人態度及已採取嘅補救措施而決定是否有進一步追討行動。
2️⃣ 已收到估計評稅、罰款信，甚至稅局進一步法律文件
萬一去到呢一步，處理上會複雜好多，因為未交報稅表而收到估計評稅（Estimated Assessment），而公司唔同意評稅結果，一般要喺評稅通知書發出日起 1個月內提出反對；另外，提出反對時亦要一併提交填妥嘅報稅表及所需支持文件（如適用，包括相關帳目）。所以如何作出反對，會 Case by case 分析，判斷，盡早回覆，呢步需要先了解清楚才可以比到有建設性的建議你。
📄 講得直接一點：A Plus 真係遇過去到「傳票」嘅情況
而我哋唔係想用呢張圖嚇你，反而想鄭重咁提醒你，如果你而家只係剛剛遲咗，甚至連估計評稅都未收到，其實你仲有辦法阻止件事情進一步惡化 🙏🏻。
💬 A Plus 真實如何幫客手，已經遲交報稅的情況
明白的，好多時，未必係刻意唔理。遲交可能係：
公司太忙到漏咗
有啲單據文件一直未齊 (大陸廠未比單 / 網上銀行忘記 Password 未齊月結單)
搬咗 Office 地址，公司利得稅表寄失咗
唔熟報稅流程，交咗稅表，但未有隨附 帳目、核數報告、利得稅計算
放比，我哋見過不同狀況，而最重要係，麻煩你，講俾我知，你而家個情況去到邊一步，我再逐樣諗方法處理： 稅表／稅局信件 點樣覆 → Deadline 趕唔趕到 → 帳目 → 核數 → 利得稅計算 → 補交報稅表 逐步排好 Scheudle → 稅局後續回覆 同你傾定如何表達 💪🏻
去到呢步，如果你手上已經有：1️⃣利得稅報稅表；2️⃣稅局催交／罰款信；3️⃣估計評稅；4️⃣傳票；5️⃣其他稅局通知；
可以直接 WhatsApp A Plus，俾我先睇一睇你手上嘅文件
我哋會先睇一睇文件，約你一個時間，講返比你知：1️⃣仲有無任何延期空間；2️⃣下一步應該立即補交/處理的工作；3️⃣取得基本會計材料，盡快有報價 ；4️⃣如何回覆／反對估計評稅；5️⃣下一步有咩要留意，避免情況繼續惡化
先搞清楚，件事通常就無你腦入面想像得咁亂咁可怕
方便你帶走的一句總結：
「已經遲咗」唔等於「已經無得搞」。 如果公司報稅期限已過，最重要唔係繼續拖住問「仲可唔可以延期」，而係立即判斷稅局去到邊一步，盡快完成帳目、核數、利得稅計算及報稅文件。 問題愈早由「擔心」變成「行動」，通常就愈容易取得掌控。
Q8｜遲交利得稅報稅表會有什麼後果？
如果你心入面仲有一句：「遲多幾日應該無事嘅……」呢條 Q&A 就係想令你今日開始處理。
遲交公司利得稅報稅表，最麻煩嘅往往唔單只係「罰錢」，而係因為進一步拖延公司會計、核數、報稅的流程，逐步變成 估計評稅、罰款、反對期限、稅務局進一步跟進，甚至法律行動。
GovHK 亦明確指出，如未能在限期或延長期限內提交報稅表，稅務局可發出估計評稅，納稅人亦可能面對罰款程序甚至檢控。
⚠️ 你以為：「罰款 = 了結遲交報稅」？
比較常見的真實個案 (如圖)，係留意個罰款金額 (你都可以睇睇稅局仲有咩要求)
開估：- 封信仲寫明 「履行下列所有條件」，「將不會對你作出檢控」+「填妥並交回仍未遞交的報稅表」
所以，香港有限公司的利得稅報稅，遲交之後，不單單係罰款了事，納稅人仍然要交齊稅局要求的 利得稅報稅表 (連同 公司帳目、核數報告 及 利得稅計算表 (如未交))，後續檢控才不會發生，相反，以下係幾個最常見稅局的追討行動：-
1️⃣ 進一步罰款／附加稅
一如上圖內容，稅局就遲交利得稅稅表的罰款，「最高可被罰款 $10,000 元，及上述年度稅款的三倍」，因此，唔好誤以為交罰款是已經解決問題。
2️⃣ 估計評稅（Estimated Assessment）
當稅務局無你正式提交嘅報稅資料，係有權按手上資料作出估計評稅，等於直接要求公司交稅。 而到時就算你唔同意 (比如估算稅款偏多)，你亦唔係一句「個數唔啱」就可以，而係按稅局規定，一般要喺評稅通知書發出後 1個月內提出反對，並且反對時亦要一併補交已填妥報稅表及所需支持文件。
3️⃣ 持續遲交，可能增加被稅局注意嘅風險
呢點可能係部份老闆最需要在意嘅地方。
或者，公司生意真係好忙，處理公司報稅需時亦較長，明白的，代表你間公司賺到錢，處於業務上升軌道，下一年大機會再忙啲，公司會計工作量再大啲，形成持續遲交的稅局不良記錄。而風險係，稅局有關於實地審核及調查嘅指引，列明其中一項可能引起注意嘅 「不守法規的特徵」，就係：持續無提交或遲交報稅表
你總唔會希望公司生意蒸蒸日上之時，突然某一日收到信函，被稅務局有理由對公司情況多問一步的麻煩事出現，打亂公司步伐。
4️⃣ 拖落去，另一個險風可以由行政處理升級至法律程序
一如上一條 Q&A 都有提及，遲交利得稅報稅表的後果，稅局是有可能採取起訴行動，發出傳票直接提告公司，而呢一點亦非危言聳聽 (下圖係每星期裁判法院審訊案件表的其中一部份內容)，千萬唔好輕忽稅局追討稅表的執行力。
遲交真正昂貴嘅地方，往往唔係罰款
原本你可能只需要：整理帳目 → 核數 → 利得稅計算 → 交利得稅報稅表
拖耐咗，後果可能變成：加急會計核數 → 補交 PTR → 解釋延誤 → 處理罰款信 → 反對估計評稅 → 回覆不同稅局信 = 整體錢同時間都花多咗
方便你帶走的一句總結：
遲交最危險嘅，唔單單係罰款數字，而係稅局多重的追討機制！ 原本只需要準時完成嘅公司利得稅報稅表。 拖耐咗可以變成估計評稅、罰款、補交文件、反對期限，甚至令持續不合規成為稅局注意公司嘅其中一個訊號，不斷吞食你做好公司生意嘅時間心力。 面對報稅截止日期，最有效嘅方法，就係「立即行動」，搵人幫手，無需單靠你自己一個人面對！
Q9｜香港有限公司第一年蝕錢／無賺錢，仍然要報稅嗎？
要。公司蝕錢，唔等於唔使報稅；「報稅」同「交稅」其實係兩回事。
特別係如果香港有限公司已經收到利得稅報稅表 BIR51，即使公司第一年無賺錢、帳面出現虧損，都仍然要按稅局要求填妥，連同佐證文件一同提交報稅表 (如下圖 稅局官方要求截圖)。
💭「間公司第一年都未賺過錢，仲要使幾千蚊做帳、核數、報稅？」
呢一個表達我明，尤其係新成立公司最容易有呢個感覺。
可惜稅務局並沒有單靠老闆一句：「我今年蝕錢」的申報方式完成未賺錢公司的報稅
換個角度睇，第一年蝕錢唔代表呢盤數「無價值」；正式計清楚嘅稅務虧損，一般可以結轉到之後年度，用嚟抵銷公司將來嘅應評稅利潤。
🏋🏻♂️ 舉個貼地例子：新開 Gym／餐廳
假設你第一年開一間 Gym／食肆：
裝修＋健身／廚房器材已經超過 HK$500,000
仲有租金
人工
宣傳
軟件
水電
各種開業成本
第一年收入未跑上嚟，公司帳面蝕錢，其實好正常。
因為資本性支出，要計算多年折舊，並非所有會計支出都可以全額直接扣稅。
所以，呢一點亦解釋為何稅局仍然要求提供公司帳目及利得稅計算，以真正得出申報嘅 經調整虧損。
假設第一年度經調整虧損：HK$180,000
第二年報稅，公司應評稅利潤：HK$400,000 (@8.25% 稅率 = HK$33,000 稅款)
咁簡化例子計算之下 $40k-18k = HK$220,000 (@8.25% 稅率 = HK$18,150 稅款)
因此，第一年認真做清楚嘅帳目同稅務虧損，去到公司真正開始賺錢嗰年，會見到成個合法減稅嘅價值，亦都唔會蝕比稅局。
😵 即係真正「肉痛」嘅，反而係第一年因為蝕錢就未有申報清楚~
原因係當過咗兩三年後公司賺錢，稅額高，對稅務安排了解多咗，先忽然發現，因為第一年貪方便，想平幾千完成報稅，好多支出單、成本單、資本性支出單都未有入數，反而令公司多交幾萬稅，全部係你創業辛辛苦苦賺的血汗錢，甘心咩？
如果你想由整體角度了解香港有限公司報稅、利得稅及核數文件要求，可以參考：香港有限公司報稅全攻略
📥 想一次過留低 Q6–Q9 嘅報稅時間重點？
一次過為你整理：1️⃣ 公司報稅延期｜邊啲情況可以由稅務代表協助申請？
2️⃣ 已經過期／遲交｜下一步應該點補救？
3️⃣ 遲交後果｜除咗罰款，仲可能出現咩風險？
4️⃣ 公司第一年蝕錢｜點解無賺錢都仍然要報稅？
方便你帶走的一句總結：
公司第一年蝕錢，唔係「無稅交就唔使報」；反而係最應該將條 Loss 報清楚嘅一年。 今日正式計清楚嘅公司虧損，一般可以結轉，用嚟抵銷公司將來嘅應評稅利潤。 由第一年開始做清楚帳目、核數同利得稅計算，唔單止係完成報稅責任，亦都係幫公司留低一筆將來真正賺錢時，可能幫你慳到稅嘅稅務紀錄。
Q10｜第一次公司報稅點樣準備先唔會遲交？A Plus 如何協助？
第一次公司報稅要避免遲交，最重要唔係等收到稅表先開始，而係提早搞清楚公司報稅時間、帳目進度、核數需要，以及有無延期空間。
好多第一次報稅嘅老闆，最初只係想問一句：「公司報稅幾錢？」
但實際上，未了解公司情況之前，單靠一個價錢真係幫你作判斷。？例如：
是否已收到稅表？ ➡️ 帳目資料是否齊全，趕得切完成公司報稅唔會遲？
公司首年預計虧損/有利潤？ ➡️ 有無稅務規劃需要先考慮一下？
帳目資料未齊，仲有現金交易／董事代支等未入帳？ ➡️ 實際工作量同報稅時間可能比想像中多，亦要判斷是否需要先處理延期。
任何一個簡單提問，都可能會引起唔同的工作量、所需時間，以及報稅流程的安排，而唔單單係答你一句 得 or 唔得。所以，A Plus 為你處理第一次公司報稅，通常唔係一開始就求其比個報價你，之後逐樣加收費用，而係先幫你 睇清楚公司目前公司會計狀況。
💬 A Plus 會先了解你的需要，再一步一步跟進
我哋會先了解公司基本資料、帳目進度及你目前最想處理嘅問題，再同你講清楚大概方向。
你了解服務內容及安排後，先決定是否繼續下一步。
無壓力，放心。有咩想法，隨時可以先同 A Plus 傾一傾。
📊 想先知道自己公司目前嘅帳目及報稅狀況？
有需要，A Plus 為你行多一步，你可以先索取一份 A Plus Snapshot Report。
透過公司基本資料及銀行紀錄，我哋會先為你作一個初步檢視，包括：
1️⃣ 公司帳目及銀行收支概況；2️⃣ 初步盈利／虧損情況；3️⃣ 值得留意嘅會計及稅務項目；4️⃣ 公司報稅時間及目前進度；5️⃣ 建議優先處理嘅下一步
不論你距離公司報稅限期仲有幾耐，多一分了解，你會更易作出一個優質的判斷。
方便你帶走的一句總結：
第一次公司報稅，最怕唔係唔識填表，而係太遲先發現公司帳目、核數、稅表時間同實際進度對唔上。 A Plus 會先幫你搞清楚公司而家去到邊一步，再安排帳目、核數、利得稅計算、延期及報稅工作，令第一次公司報稅由「臨急先算」，變成一個有條理、有人跟進嘅流程。
下一步可以點做？
多謝你睇到文章結尾 🙏🏻 如果你睇到呢度，可能你都有一個感覺：點解一個「第一次公司報稅」，原來有咁多唔同情況？ Exactly，呢個亦係我哋花時間寫呢篇 10問10答 嘅原因。
網上好多公司報稅內容，為咗方便快速閱讀，最後往往只可以提供一個「一般答案」。但真正處理公司報稅時，成立日期、年結日、帳目狀況、是否收到稅表、是否有員工、是否需要核數、是否已經遲交，任何一項唔同，下一步都可能唔一樣。
而即使寫咗 10 個 Q&A，都可能仲有一啲你實際遇到的問題未有放入文章。
請放心☺️ 你唔需要自己估。可以直接 WhatsApp A Plus，簡單話我哋知公司目前情況。有需要，我哋仲可以約個時間，同你一齊了解公司目前報稅時間去到邊、帳目及核數仲欠咩、有無需要處理延期、有無已經出現稅務風險，以及下一步應該先處理邊樣。
日常要處理嘅查詢的確唔少，但應承你：每一個查詢，我哋都會認真睇清楚情況，再用心回覆。 🙏🏻 有時問題未必真係想像中咁複雜，只需要有人幫你理順一次，成件事已經會清楚好多。
做好數，報妥稅，安心搵生意！
